Gsunge hani scho bevor ig ha chöne rede! Scho immer isch es e Troum gsy, Sängerin zwärde. De isch d‘Faszination vom Tanz u Schouspiel drzue cho.
Öffentlich afah singe han ig i Schüelerbands unger dr Leitig vom Simeon Jakob, wo mi scho früeh gförderet het. Mit 13ni han ig de ds erschte Mal bime Musical mitgmacht: „Evita“ uf dr Bühni vo dä Thunerseespiel. Aschliessend hani de wyteri vier Jahr dörfe uf dr schönste Seebühni vo Europa spiele.
Mit 16ni han ig ar Swiss Musical Academy mis Studium i Tanz, Gsang und Schouspiel agfange. Während mire Usbildig bin ig a diverse Projekt beteiligt gsi. 2008 hani d’Usbildig erfolgrych abgschlosse.
Sit äm 2008 bini freischaffendi Künstlerin u gniesse Vielfalt und Flexibilität i de verschiedenschte Projekt! Witter unde gib i dir ä chlinä Iblick i au mini Produktione woni gli wirdä dörfe spiele. Zudäm findsch oh ä Überblick vo au minä tolle Produktione woni ha dörfe mitmache.
